1. |
Up in the Morning
02:41
|
|||
|
Up in the morning's no for me,
Up in the morning early;
When a' the hills are covered wi' snaw,
l'm sure it's winter fairly.
Cauld blaws the wind frae east tae west,
The drift is drievin' sairly;
Sae loud and shill's I hear the blast,
I'm sure it's winter fairly.
The birds sit chitterin in the thorn,
A' day they fair but sparely;
And lang's the nicht frae e'en tae morn,
I'm sure it's winter fairly.
|
||||
2. |
She's Fair and Fause
03:01
|
|||
|
She's fair and fause that causes my smairt,
I lo'ed her meikle and lang:
She's broken her vow, she's broken my hairt,
And I may e'en gae hang.
A coof cam in wi rooth o' gear,
And I hae tint my dearest dear;
But woman is but warld's gear,
Sae let the bonnie lass gang.
Whae'er ye be that woman love,
Tae this be never blind.
Nae ferlie 'tis tho' fickle she prove,
A woman has't by kind:
O Woman lovely, Woman fair!
An angel form's fa'en tae they share;
'Twad been o'er meikle tae gi'en thee mair,
I mean an Angel mind.
|
||||
3. |
My Tocher's the Jewel
01:59
|
|||
|
O meikle thinks my luve o' my beauty,
And meikle thinks my luve 'o my kin;
But little thinks my luve I ken brawlie
My tocher's the jewel has charms for him.
It's a' for the apple he'll nourish the tree;
And it's a' for the hiney he'll cherish the bee;
My laddie's sae meikle in love wi' the siller,
He canna hae luve tae spare for me.
Your proffer o' luve's an airle-penny,
My tocher's the bargain ye wad buy;
But an ye be crafty, I am cunnin',
Sae ye wi' anither your fortune may try.
Ye're like to the timmer o' yon rotten wood;
Ye're like to the bark o' yon rotten tree;
Ye'll slip frae me like a knotless thread,
And ye'll crack your credit wi' mae nor me.
|
||||
4. |
The Tarbolton Lasses
04:22
|
|||
|
If ye gae up to yon hill-tap,
Ye'll there see bonie Peggy:
She kens her father is a laird,
And she forsooth's a leddy.
There's Sophy tight, a lassie bright,
Besides a handsome fortune:
Wha canna win her in a night
Has little art in courtin.
Gae down by Faile, and taste the ale,
And tak a look o' Mysie;
She's dour and din, a deil within,
But aiblins she may please ye.
If she be shy, her sister try,
Ye'll may be fancy Jenny:
If ye'll dispense wi' want o' sense
She kens hersel she's bonnie.
As ye gae up by yon hillside,
Spier in for bonnie Bessy:
She'll gie ye a beck, and bid ye light,
And handsomely address ye.
There's few sae bonny, nane sae guid,
In a' King George' dominion;
If ye should doubt the truth o' this
It's Bessy's ain opinion.
|
||||
5. |
||||
|
O Leeze me on my spinnin-wheel,
And leeze me on my rock and reel;
Frae tap to tae that cleeds me bien,
And haps me fiel and warm at e'en!
I'll set me down and sing and spin,
While laigh descends the simmer sun,
Blest wi' content, and milk and meal,
O leeze me on my spinnin' wheel.
On ilka hand the burnies trot,
And meet below my theekit cot;
The scented birk and hawthorn white
Across the pool their arms unite,
Alike to screen the birdie's nest,
And little fishes' callor rest:
The sun blinks kindly in the biel'
Where, blythe I turn my spinnin' wheel.
On lofty aiks the cushats wail,
And Echo cons the doolfu' tale;
The lintwhites in the hazel braes,
Delighted, rival ithers lays:
The craik amang the claver hay,
The pairtrick whirring o'er the ley,
The swallow jinkin' round my shiel ,
Amuse me at my spinnin' wheel.
Wi' sma' to sell, and less to buy,
Aboon distress, below envy,
O wha wad leave this humble state,
For a' the pride of a' the Great?
Amid their flairing, idle toys,
Amid their cumbrous, dinsome joys,
Can they the peace and pleasure feel
Of Bessy at her spinnin' wheel!
|
||||
6. |
John Come Kiss Me Now
03:03
|
|||
7. |
||||
|
It is na, Jean, thy bonie face,
Nor shape that I admire,
Altho' thy beauty and thy grace
Might weel awauk desire.
Something in ilka part o' thee
To praise, to love, I find,
But dear as is thy form to me,
Still dearer is thy mind.
Nae mair ungen'rous wish I hae,
Nor stronger in my breast,
Than, if I canna mak thee sae,
At least to see thee blest.
Content am I, if Heaven shall give
But happiness to thee:
And as wi' thee I'd wish to live,
For thee I'd bear to die.
|
||||
8. |
Ane and Twenty
01:59
|
|||
|
An O for ane and twenty, Tam!
And hey, sweet ane and twenty, Tam!
I'll learn my kin a rattlin' sang,
An I saw ane and twenty, Tam.
They snool me sair, and haud me down,
An' gar me look like bluntie, Tam;
But three short years will soon wheel roun',
An' then comes ane an' twenty, Tam.
A glieb o' lan', a claut o' gear,
Was left me by my auntie, Tam;
At kith or kin I need na spier,
An I saw ane an' twenty, Tam.
They'll hae me wed a wealthy coof,
Tho' I mysel' hae plenty, Tam;
But, hearst thou, laddie, there's my loof,
I'm thine at ane an' twenty, Tam!
An O for ane and twenty, Tam!
And hey, sweet ane and twenty, Tam!
I'll learn my kin a rattlin' sang,
An I saw ane and twenty, Tam.
|
||||
9. |
Eppie McNab
01:52
|
|||
|
O saw ye my dearie, my Eppie Mcnab?
O saw ye my dearie, my Eppie Mcnab?
She's down in the yard, she's kissin the Laird,
She winna come hame to her ain Jock Rab.
O come thy ways to me, my Eppie Mcnab;
O come thy ways to me, my Eppie Mcnab;
What-e'er thou hast dune, be it late, be it soon,
Thou's welcome again to thy ain Jock Rab.
What says she, my dearie, my Eppie Mcnab?
What says she, my dearie, my Eppie Mcnab?
She lets thee to wit, that she has thee forgot,
And for ever disowns thee, her ain Jock Rab.
O had I ne'er seen thee, my Eppie Mcnab!
O had I ne'er seen thee, my Eppie Mcnab!
As light as the air, and as fause as thou's fair,
Thou's broken the heart o' thy ain Jock Rab!
|
||||
10. |
The Lass o' Ecclefechan
01:27
|
|||
|
Gat ye me, O gat ye me,
O gat ye me wi' naethin,
Rock an reel and spinnin wheel
A mickle quarter bason.
Bye attour, my Gutcher has
A hich house and a laigh ane,
A' for bye my bonnie sel,
The toss of Ecclefechan.
O had your tongue now Luckie Laing,
O had your tongue and jauner;
I held the gate till you I met,
Syne I began to wander:
I tint my whistle and my sang,
I tint my peace and pleasure;
But your green graff, now Luckie Laing,
Wad airt me to my treasure.
|
||||
11. |
||||
|
Gane is the day and mirk's the night,
But we'll ne'er stray for faute o' light,
For ale and brandy's stars and moon,
And blude-red wine's the rysin Sun.
Then guidwife count the lawin, the lawin, the lawin,
Then guidwife count the lawin, and bring a coggie mair.
There's wealth and ease for gentlemen,
And semple-folk maun fecht and fen;
But here we're a' in ae accord,
For ilka man that's drunk's a lord.
Then guidwife count the lawin, the lawin, the lawin,
Then guidwife count the lawin, and bring a coggie mair.
My coggie is a haly pool,
That heals the wounds o' care and dool;
And pleasure is a wanton trout,
An' ye drink it a', ye'll find him out.
Then guidwife count the lawin, the lawin, the lawin,
Then guidwife count the lawin, and bring a coggie mair.
|
||||
12. |
Ever tae be Near ye
03:27
|
|||
|
Ever to be near ye!
Whaur ye bide or whaur ye stray,
To comfort and to cheer ye!
Be your fortune what it may,
Hearken noo and hear ye:
I'd be happy nicht and day
Ever to be near ye!
Happy I'd be nicht and day
Ever to be near ye!
Ever to be near ye!
Neither rocks nor currents rife
Ever need to fear ye
Frae the stress and frae the strife
Couthiely I'll steer ye, --
Thro' the stormy sea o' life,
Ever to be near ye!
Thro' the stormy sea o' life,
Ever to be near ye!
Ever to be near ye!
Good and bonny as ye are,
Wha could nae revere ye?
In your circle or afar
Nane there is to peer ye:
O, for better or for waur,
Ever to be near ye!
O, for better or for waur,
Ever to be near ye...
|
||||
Laverock Brussels, Belgium
Three-part Scottish folk group, drawing on lesser-known works of Robert Burns set to fresh new Celtic melodies with modern-day arrangements.
If you like Laverock, you may also like:
Frenzy of the Meeting
by Breabach
supported by 4 fans who also own “Up in the Morning”
I love the way that it builds and builds on itself until it's completely out of control. Glorious!
go to album
Sweet Old Religion
by Pharis & Jason Romero
Sweet harmonies & strummed melodies; the duo delve into decades-old folk, jazz, and country to find a timeless kind of love and connection.
go to album
Wealth of Sorrow
by Cahalen Morrison
Bright and skipping songs that foreground the sound of the banjo and fingerstyle guitar in music that feels timeless.
go to album
This album speaks to the continuum of African diasporic culture that is central to the vibrant canon of Americana folk music.
go to album
Would the Light Hold Me
by Oceanique
Celtic-inspired instrumentation, delicate harmonies, and reflective lyrics abound on the sisterly indie-folk duo's debut album.
go to album
Scottish harpist and singer Rachel Newton brings an innovative, intensely emotional touch to traditional music on this dreamy LP.
go to album
Feel The Ground You Walk Upon
by Lewis McLaughlin
Old-fashioned fiddles harmonize with rippling synths on the Scottish singer-songwriter's latest collection of original folk songs.
go to album
